أخبار وطنية تلميذات المعهد النموذجي ببنزرت يطلقن حملة "مانيش لابستها" رفضا لإرتداء الفتيات للميدعة
ذكرت صفحة "ليسانا" المهتمة بالشؤون التلمذية أن تلميذات المعهد النموذجي ببنزرت أطلقن حملة "مانيش لابستها" رفضا لإرتداء الفتيات للميدعة داخل المعهد.
ونشرت الصفحة رسالة وصلتها من إحدى تلميذات المعهد :
"اليوم كيما أي تلميذ تونسي مشيت نقرا على روحي عاملة جو عندي ساعتين فلسفة الصباح . أنا داخلة لقسمي و إذا بالقيمة تشدني انا و صاحبتي من يدينا و تصيح و تعيط ' لا مش معقول شنيا التسيب هذا ؟ شنيا الحالة هذي؟ ماعادش فما احترام؟... ' و تمشي تخرج زملائي مالقسم مع العلم انهم بداو يقراو و يكتبوا فالدرس. مشات كركرتنا للإدارة و بدا عادة القيم العام يصيح و يعيط ' نبهنا عليكم الف مرة ويني الطبلية؟ مايجيش هكة المرة الجاية ماعادش بش تدخلوا للمعهد أصلا!
ورغم الصياح و العياط و الطريقة المهينة لتعاملوا بيها معانا حاولنا نحكيو معاهم قلنالهم علاه احنا بركا؟ علاه لولاد لا؟ علاه منعملوش uniforme كيما المعاهد النموذجية الكل؟ و لكن بالطبيعة ماسمعنا حد و رفضوا الحوار أصلا و عاودوا كركرونا للقسم بعد ما ضيعنا ربع ساعة او اكثر من الدرس. يعني اليوم واحد تمرمد منعوه بش يدخل لقسمو و تهدد أصلا بش ماعادش يمشي للمعهد و يقراعلاه؟ خاترني طفلة، اي نعم احنا اليوم في القرن 21 و مزلنا نحطوا قوانين تطبق عالبنات و لولاد لا! اي نعم احنا في معهد نموذجي و نعاملوا تلامذتنا هكاكة ! "
